როდესაც ნაწლავების ოპტიმალური ფუნქციონირება დარღვეულია, მისი გამტარიანობა ნაკლებია, პროცესში იკარგება დიდი ოდენობით ტანიანობა, რაც იწვევს ყაბზობას, შებერილობასა და დისკომფორტს.
უპირველესყოვლისა უნდა დარწმუნდეთ, რომ ჩვენ მოვიხმართ საკმარისი ოდენობით საკვებ ბოჭკოს და ვსვამთ საჭირო ოდენობით წყალს. იცი თუ არა, რომ ფიზიკური სავარჯიშოები ასევე ხელს უწყობს პერისტალტიკის გაუმჯობესებას? აერობიკა, სირბილი, ცურვა და ცეკვა აუმჯობესებს სისხლის მიმოქცევას, იოგას კი შინაგანი ორგანოების მასაჟის ეფექტი აქვს.
აი რამდენიმე ეფექტური სავარჯიშო
1. მოტრიალება მჯდომარე მდგომარეობაში
საწყისი მდგომარეობა: მოთავსდი ხალიჩაზე და გაჭიმე ფეხები წინ, გაასწორე ზურგი. მოხარე მარცხენა ფეხი და დადე ის მთელ ტერფზე ნარჯვენა მუხლის გარეთა მხრიდან. მარჯვენა ხელი მოკიდე მოხრილ ფეხს და მოიზიდე მაქსიმალურად შენკენ. მარცხენა ხელით დაეყრდენი ხალიჩას და ფრთხილად მოატრიალე ტანი მარცხნივ ისე, როგორც ამის საშუალებას გაძლევს შენი დრეკადობა.
შეჩერდი რამდენიმე წამით და მოდუნდი. გაიმეორე 10-ჯერ თითოეულ მხარეს.
2. მოკეცვა
საწყისი მდგომარეობა: დაწექი ზურგზე, მოდუნდი და მოხარე ფეხები. მოეჭიდე ფეხებს მუხლებთან და მაგრაფ მოიზიდე გულმკერდისკენ, ამ დროს იჭიმება პრესისა და ხელის კუნთები. რამდენჯერმე გადატრიალდი ერთი მხარიდან მეორე მხარეს, შემდეგ გაუშვი ფეხებს ხელები და მოდუნდი. გაიმეორე5-ჯერ.
3. ვერტიკალური მოკეცვა
საწყისი მდგომარეობა: ფეხები მხრების სიგანეზე. დაწყებული კისრის მალებიდან, ნელა მოხარე ზურგი იმდენად, თითქოს გინდა სახით მუხლებს მიწვდე. მოკიდე ხელები ფეხებს, როგორც ფოტოზეა, ფრთხილად მიზიდე ტანი მუხლებთან და შეჩერდი რამდენიმე წამით. გაიმეორე 10-ჯერ.
