სტრესის წინააღმდეგ: მედიტაციის გიდი

თუ თქვენ არასდროს არ გიცდიათ მედიტირება, მიყევით ჩვენს რჩევებს. დასაწყისისთვის, მონახეთ  წყნარი და მშვიდი ადგილი, სადაც მოხერხებულათ მოკალათდებით. მაგალითად, სავარძელში, ტახტზე ან თუნდაც იატაკზე. თუ საჭიროა, წელქვეშ ამოიდეთ საბანი ან ბალიში. იმის მიუხედავად, რომ ჩვენ გირჩევთ სახლში მედიტირებას, ამის განხორციელება ნებისმიერ ადგილას შეგიძლიათ. ყველაფერი, რაც გჭირდებათ — ეს არის სივრცე, სადაც არავინ შეგაწუხებთ.

1. დაჯექით მოხერხებულად, ხელები მუხლებზე დაიდეთ ხელისგულებით ზევით. დახუჭეთ თვალები, ყურადღება გაამახვილეთ სუნთქვაზე და ეცადეთ არაფერზე იფიქროთ.  ნორმალურია, თუ ეს უცბად არ გამოგივათ. უბრალოდ, ყურადღება გაამახვილეთ იმაზე, რაც ირგვლივ ხდება, და გადაიტანეთ ყურადღება სუნთქვაზე. ეცადეთ ცხვირით ისუნთქოთ.
2. გააკეთეთ ოთხი-ხუთი სრული ჩასუნთქვა-ამოსუნთქვა. ყურადღება მიაქციეთ შეგრძნებას,  როდესაც ფილტვები ჰაერით ივსება. 
3. მომდევნო ღრმა ჩასუნთქვის დროს მაქსიმალურად დაძაბეთ ტერფის კუნთები, ხოლო ამოსუნთქვისას მოადუნეთ. გაიმეორეთ ორჯერ. 
4. გააგრძელეთ მთლიანად სხეულის კუნთების დაძაბვა და მოდუნება, ტერფებიდან კანჭებისკენ, მუხლებისკენ, თეძოსკენ და  დუნდულებისკენ, მუცლისკენ, მკერდისკენ და ზურგისკენ, მხრებისკენ, ხელებისკენ, მტევნებისკენ, კისრისკენ, სახისკენ და თავის კენწეროსკენ მოძრაობით. გაიმეორეთ ორჯერ სხეულის თითოეული ნაწილისთვის, შემდეგ მოადუნეთ კუნთები და მშვიდად ისუნთქეთ.
5. გადაიტანეთ ყურადღება მთლიანად სხეულზე და ისიამოვნეთ შინაგანი სიმშვიდით. დარჩით ამ შეგრძნებით ცოტა ხანი. შემდეგ ნელა გაახილეთ თვალები. იგრძენით, თუ როგორ შეიცვალა განწყობა? ახლა უფრო მეტის გაკეთება შეგიძლიათ და თავს უკეთ გრძნობთ. ახლა კი წინ!