Устав Орифлэйм

Oriflame-ის ქცევის წესები

1. განმარტებები

ა. ამ დოკუმენტის მიზნებისთვის "Oriflame-ის ბრენდ-პარტნიორი" მოიცავს ნებისმიერ Oriflame-ის ბრენდ-პარტნიორს

ტიტულისა და დონის მიუხედავად (მათ შორის მენეჯერები, დირექტორები და ზემდგომი), რომელიც დაეთანხმა ბრენდ-პარტნიორის წესებსა და პირობებს

B. "მოწვევის კოდი" ან "მოწვევის ბმული" ნიშნავს უნიკალურ, იდენტიფიკატორს, რომელიც Oriflame-მა გასცა ბრენდ-პარტნიორებისთვის შერჩეულ ბაზრებზე.

C. ამ დოკუმენტში "Oriflame" აღნიშნავს ადგილობრივ Oriflame-ის იურიდიულ პირს, რომელთანაც თქვენ გააფორმეთ ბრენდ-პარტნიორის ხელშეკრულება, თუ სხვა რამ არ არის მითითებული.

D. "სპონსორობის ხაზი" მოიცავს Oriflame-ის ბრენდ-პარტნიორს, მის სპონსორს და ა.შ., ხოლო ხაზი სრულდება Oriflame-ით.

E. "პერსონალური ჯგუფი" გულისხმობს Oriflame-ის ყველა ბრენდ-პარტნიორს, რომლებიც  მოწვეულები არიან Oriflame-ის ბრენდ-პარტნიორის მიერ, მაგრამ არ მოიცავს პირდაპირ მოწვეულ 20%-იან ბრენდ-პარტნიორებს ან მათ ქვედა დონეებს.

F. "სტრუქტურა" გულისხმობს მთლიან ქვემდებარე სტრუქტურას, მათ შორის 20%-იან Oriflame-ის ბრენდ-პარტნიორებსა და მათ ქვემდებარე სტრუქტურას.

G. "Oriflame-ის მასალები" ნიშნავს Oriflame Rewards-ს, Oriflame-ის კატალოგებს,  Oriflame-ის სასტარტო ნაკრების ლიტერატურას, საინფორმაციო ბიულეტენს და ნებისმიერ სხვა ინფორმაციას, რომელიც დაბეჭდილია ან გამოქვეყნებულია Oriflame-ის ოფიციალურ ვებსაიტზე და/ან Oriflame-ის აპლიკაციაში.

H. "სპონსორი" არის ბრენდ-პარტნიორი, რომელიც იწვევს სხვა ბრენდ-პარტნიორებს, აცნობს მათ Oriflame-ს და უზრუნველყოფს მათ ტრენინგით, მითითებებითა და სხვა მხარდაჭერით Oriflame-ის ბიზნესის განვითარებისას.

2. წევრობა

2.1 Oriflame-ის ბრენდ-პარტნიორი რომ გახდეთ, ზოგადი წესით, უნდა დაარეგისტრიროს უკვე რეგისტრირებულმა Oriflame-ის ბრენდ-პარტნიორმა. გარკვეულ გარემოებებში, Oriflame-ს შეუძლია პოტენციური Oriflame-ის ბრენდ-პარტნიორი ნებისმიერ ქსელს მიაკუთვნოს.

2.2. ფიზიკურ პირს შეიძლება ჰქონდეს მხოლოდ ერთი Oriflame-ის წევრობა, პირდაპირი ან არაპირდაპირი სახით. არაპირდაპირი წევრობა არის წევრობა, მაგალითად, იურიდიული პირის მეშვეობით, რომელიც რეგისტრირებულია, როგორც Oriflame-ის ბრენდ-პარტნიორი.

2.3 Oriflame იტოვებს უფლებას, უარი თქვას ნებისმიერ რეგისტრაციაზე ან ხელახალ რეგისტრაციაზე.

2.4 სადაც ამას შესაბამისი კანონმდებლობა იძლევა, Oriflame-ს შეუძლია, თავისი სრული შეხედულებით, მიიღოს განმცხადებლები, რომლებსაც არ გააჩნიათ სრული ქმედუნარიანობა, იმ პირობით, რომ დაკმაყოფილებულია ასეთი მიღების სამართლებრივი მოთხოვნები (მაგ., მეურვის წერილობითი თანხმობის მიღება).

2.5 წევრობა შეიძლება მიენიჭოეს მხოლოდ ფიზიკურ პირებს ან შეზღუდული პასუხისმგებლობის საზოგადოებას ან პარტნიორობას , სადაც მხარეები არიან მეუღლეები, ან მშობელი და შვილი/შვილები, ან და-ძმები (და-ძმებისთვის ნებადართულია მხოლოდ მემკვიდრეობის პროცესის ფარგლებში), და Oriflame-ის მიერ დამტკიცებული ბიზნესის გადაცემის პროცესის შესაბამისად. იურიდიულმა პირმა უნდა მიუთითოს იმ პირის სახელი, რომელიც უფლებამოსილია იმოქმედოს მის სახელით, ასევე მისი უფლებამოსილების ნებისმიერი შეზღუდვა. პარტნიორები ერთობლივად არიან პასუხისმგებელნი და Oriflame-ს შეუძლია ნებისმიერი დავალიანების შემთხვევაში მთელი თანხა მოითხოვოს ერთ-ერთისგან ან ორივესგან.

2.6 Oriflame-ის ბრენდ-პარტნიორს შეუძლია გაწევრიანებიდან 30 დღის განმავლობაში (ან ადგილობრივი კანონმდებლობით გათვალისწინებულ უფრო ხანგრძლივ პერიოდში) დატოვოს წევრობა და სრულად დაიბრუნოს წევრობის პირობად გადახდილი ყველა თანხა (ასეთის არსებობის შემთხვევაში), ასევე მიიღოს ნებისმიერი საჭირო საწყისი მასალა და პროდუქცია. 

2.7 Oriflame-ის ბრენდ-პარტნიორს შეუძლია ნებისმიერ დროს, აქტივაციიდან 30 დღის შემდეგ, Oriflame-ისთვის წერილობითი შეტყობინების გაგზავნით, თავისი წევრობიდან გადადგეს. ასეთ შემთხვევებში Oriflame არ არის ვალდებული, განახორციელოს 2.6-ში მითითებული რომელიმე ანაზღაურება. გადადგომის სხვა შედეგები რეგულირდება ბრენდ-პარტნიორის წესებითა და პირობებით. 

2.8 Oriflame-ის ბრენდ-პარტნიორის წევრობა შეწყდება ხუთი უწყვეტი წლის განმავლობაში უმოქმედობის შემდეგ.

2.9 თუ Oriflame-ის ბრენდ-პარტნიორის მეუღლეს სურს, გახდეს Oriflame-ის ბრენდ-პარტნიორი, ორივე მეუღლე უნდა იყოს სპონსორირებული ერთობლივად ერთი და იმავე წევრობის ფარგლებში (როგორც შეზღუდული პასუხისმგებლობის საზოგადოება ან საპარტნიორო) ან, ცალ-ცალკე დარეგისტრირების შემთხვევაში, იმ მეუღლის ქვეშ, რომელიც პირველი გახდა Oriflame-ის ბრენდ-პარტნიორი. თუ მეუღლე ცალკეულ წევრობას შეუერთდება, ნებისმიერი ფულადი ჯილდო, რომელსაც ის მოიპოვებს, ჩამოეჭრება პირველად შეერთებული მეუღლის მიერ მიღებული ნებისმიერი უფრო მაღალი ფულადი ჯილდოსგან — თუ ასეთი ფულადი ჯილდო მეორე მეუღლის წევრობის ნებისმიერი მიზეზით შეწყვეტის შედეგია.

2.10. თუ Oriflame-ის ბრენდ-პარტნიორის უახლოეს ნათესავებს (მშობლები, შვილები, დედმამიშვილები) სურთ, გახდნენ Oriflame-ის ბრენდ-პარტნიორები, მათ შეუძლიათ დარეგისტრირდნენ პირდაპირ იმ ნათესავის ქვემოთ, რომელიც პირველი გახდა Oriflame-ის ბრენდ-პარტნიორი, პარტნიორობის შემთხვევების გარდა, რომლებიც აღწერილია 2.5 პუნქტში. თუ პოტენციური Oriflame-ის ბრენდ-პარტნიორის რამდენიმე ნათესავი უკვე რეგისტრირებულია ბრენდ-პარტნიორად, მაშინ ახალი რეგისტრაცია უნდა განხორციელდეს Oriflame-ის ბრენდ-პარტნიორთა პირველ რიგში, შემდეგი თანმიმდევრობით: 1) მეუღლე, 2) მშობლები, 3) შვილები, 4) დედმამიშვილები.

2.11 Oriflame-ის ყოფილ ბრენდ-პარტნიორებს (ან ყოფილი ბრენდ-პარტნიორების მეუღლეებს) შეუძლიათ განაცხადი შეიტანონ ახალი წევრობის შესახებ შემდეგი პირობებით:

ა) წინა წევრობის გაუქმებიდან ექვსი თვე მაინც უნდა იყოს გასული (Oriflame-თან სხვაგვარი შეთანხმების არარსებობის შემთხვევაში).

ბ) ყოფილ Oriflame-ის ბრენდ პარტნიორს შეუძლია დაუყოვნებლივ განაცხადი შეიტანოს ბრენდ პარტნიორად ხელახლა დარეგისტრირებისთვის, იმის მითითების გარეშე, რომ ის ყოფილი ბრენდ პარტნიორი იყო, თუ წევრობის შეწყვეტის შემდეგ მას სულ მცირე 12 თვის უმოქმედობა აქვს. 

2.12 Oriflame-ს უფლება აქვს, შეწყვიტოს Oriflame-ის ბრენდ-პარტნიორის საქმიანობა კოდექსისა და/ან წესების ან ბრენდ-პარტნიორის ხელშეკრულების ნაწილს შემადგენელი ნებისმიერი სხვა დოკუმენტის ნებისმიერი დარღვევის გამო, ბრენდ-პარტნიორის წესებისა და პირობების დებულებების შესაბამისად.

2.13 Oriflame-ს აქვს უფლება, დაუყოვნებლივ შეაჩეროს Oriflame-ის ბრენდ-პარტნიორის წევრობა 12 თვემდე ვადით (ნებისმიერი კომპენსაციის გადახდის გარეშე), ბრენდ-პარტნიორის ხელშეკრულების პირობების, კოდექსისა და/ან წესების ან ბრენდ-პარტნიორის ხელშეკრულების ნაწილს შემადგენელი ნებისმიერი სხვა დოკუმენტის დარღვევის ან სავარაუდო დარღვევის გამოძიების დასრულებამდე. 

2.14 Oriflame იტოვებს უფლებას, ჯგუფის მთლიანობის დასაცავად, შეწყვეტასთან დაკავშირებით, შეაჩეროს Oriflame-ის ბრენდ-პარტნიორის წევრობა 12 თვემდე ვადით (ნებისმიერი კომპენსაციის გადახდის გარეშე). Oriflame იტოვებს უფლებას, ასეთი შეჩერება დამატებით 12-თვიანი პერიოდით გაახანგრძლივოს, თუ Oriflame-ის ერთპიროვნული შეხედულებით, ეს გამართლებულია ქსელში ნებისმიერი მანიპულაციის თავიდან ასაცილებლად.

3. სპონსორობის ხაზების შენარჩუნება

3.1 წევრობის გადაცემა (მათ შორის, სპონსორობის სხვა ხაზზე ან სხვა სპონსორთან) შესაძლებელია მხოლოდ ქვემოთ ჩამოთვლილ შემთხვევებში და Oriflame-ის სრული შეხედულებით.

3.2 Oriflame-ის ბრენდ-პარტნიორებს უფლება აქვთ, ხელახლა დარეგისტრირდნენ სხვა სპონსორობის ხაზის ქვეშ მხოლოდ იმ შემთხვევაში, თუ წევრობას დატოვებენ და 2.11-ის შესაბამისად ახალ წევრობაზე განაცხადს შეიტანენ. თუ ისინი წევრობას დატოვებენ, მათი მთელი ჯგუფი იკარგება და თავდაპირველ სპონსორობის ხაზზე გადადის. 

3.3 Oriflame-ის ბრენდ-პარტნიორებს, რომლებსაც სურთ წევრობის გადაცემა, ამის უფლება შეიძლება მიეცეთ, მაგრამ მხოლოდ თავიანთ უახლოეს ნათესავებზე (მეუღლე, მშობლები, შვილები). ასეთი გადაცემის მოთხოვნით წერილი უნდა გაეგზავნოს Oriflame-ს. Oriflame-ის ბრენდ-პარტნიორებს, რომლებმაც წევრობა ამ წესის შესაბამისად გადასცეს, შეუძლიათ კვლავ განაცხადი შეიტანონ წევრობაზე, თუ მათი ბოლო წევრობის გადაცემიდან სულ მცირე ექვსი თვე გავიდა.

3.4 Oriflame-ის ბრენდ-პარტნიორის გარდაცვალების შემთხვევაში, წევრობა შეწყდება გარდაცვალების დღიდან სამი თვის განმავლობაში, თუ მოქმედი კანონმდებლობის შესაბამისად, უახლოესმა ნათესავმა არ წარადგინა წევრობის გადაცემის შესახებ წერილობითი განაცხადი. ასეთი გადაცემა დამოკიდებულია იმაზე, დაეთანხმება თუ არა კანონიერი მემკვიდრე Oriflame-ის ბრენდ პარტნიორის წესებსა და პირობებს. წევრობის შეწყვეტის შემთხვევაში, გარდაცვლილი Oriflame-ის ბრენდ პარტნიორისთვის გადასახდელი ნებისმიერი დავალიანება გადაეცემა უფლებამოსილ მემკვიდრეს/მემკვიდრეებს მოქმედი კანონმდებლობის შესაბამისად. Oriflame იტოვებს უფლებას, გადახდის პირობად მოითხოვოს დოკუმენტები, რომლებიც ადასტურებს მემკვიდრის/მემკვიდრეების უფლებამოსილებას.3.5 ჯგუფის ან ჯგუფის ნაწილის გადაცემა დაუშვებელია.

4. ბრენდ-პარტნიორის პასუხისმგებლობები

ზოგადი პასუხისმგებლობები

4.1 Oriflame-ის ბრენდ-პარტნიორები უნდა იცავდნენ ყველა მოქმედ კანონს, წესს, რეგულაციასა და დარგობრივ პრაქტიკის კოდექსს, მათ შორის, გადასახადებთან დაკავშირებულ ნებისმიერ კანონსა და რეგულაციას საგადასახადო რეგისტრაციისა და დეკლარაციების წარდგენის შესახებ. Oriflame-ის ბრენდ-პარტნიორები არ უნდა ეწეოდნენ ისეთ საქმიანობას, რომელიც შეიძლება შეურაცხყოფას აყენებდეს მათ ან Oriflame-ს.

4.2 Oriflame-ის ბრენდ-პარტნიორებმა უნდა მიიღონ შესაბამისი ზომები მომხმარებლის, პოტენციური მომხმარებლის ან სხვა Oriflame-ის ბრენდ-პარტნიორის მიერ მოწოდებული ყველა პირადი ინფორმაციის დაცვის უზრუნველსაყოფად, კონფიდენციალურობისა და მონაცემთა დაცვის შესახებ მოქმედი ადგილობრივი კანონმდებლობის შესაბამისად.

პასუხისმგებლობები მომხმარებლების (მყიდველების) მიმართ

4.3 Oriflame-ის ბრენდ-პარტნიორებს არ აქვთ უფლება მოიქცნენ არაკეთილსინდისიერად.

4.4 მომხმარებელთან კონტაქტის დაწყებისთანავე, Oriflame-ის ბრენდ-პარტნიორმა უნდა წარადგინოს საკუთარი თავი და განმარტოს მომხმარებელთან დაკავშირების მიზანი ან კონკრეტული ღონისძიების მიზეზი. Oriflame-ის ბრენდ-პარტნიორმა უნდა უზრუნველყოს, როგორც Oriflame-ის ბრენდ-პარტნიორის, თავისი იდენტობის სრული გამჭვირვალობა ნებისმიერ დაკავშირებულ კომუნიკაციაში, იქნება ეს ელექტრონული ფოსტით, ვებსაიტით, სოციალური მედიის გვერდით და ა.შ. უნდა მითითებული იყოს სახელი და საკონტაქტო ინფორმაცია, ასევე ინფორმაცია იმის შესახებ, რომ გამგზავნი არ არის Oriflame-ის ოფიციალური წარმომადგენელი. სიტყვა "დამოუკიდებელი" ყოველთვის უნდა დაემატოს "Oriflame-ის ბრენდ-პარტნიორის" წინ ნებისმიერ წარდგენაში, როგორიცაა ელექტრონული ფოსტის ხელმოწერა, სავიზიტო ბარათები, ვებსაიტი, სოციალური მედიის გვერდი და ა.შ. Oriflame-ის ბრენდ-პარტნიორები არ უნდა წარმოაჩენდნენ თავს Oriflame-ის უფლებამოსილ დისტრიბუტორებად.

4.5 Oriflame-ის ბრენდ-პარტნიორები მომხმარებლებს უნდა სთავაზობდნენ პროდუქტის შესახებ ზუსტ და სრულ ინფორმაციას, მათ შორის: ფასისა და გადახდის პირობების, (მათ შორის, დაბრუნებისა და თანხის ანაზღაურების პოლიტიკის), გარანტიის პირობების, გაყიდვების შემდგომი მომსახურებისა და მიწოდების თარიღების შესახებ. Oriflame-ის ბრენდ-პარტნიორებმა მომხმარებლების ყველა შეკითხვას უნდა გასცენ ზუსტი და გასაგები პასუხები.

4.6 იმ შემთხვევაში, თუ პროდუქტის ეფექტიანობასთან დაკავშირებით რაიმე მტკიცებულება გაისმის, Oriflame-ის ბრენდ-პარტნიორებს შეუძლიათ გააკეთონ მხოლოდ Oriflame-ის მიერ ავტორიზებული ზეპირი ან წერილობითი განცხადებები. Oriflame-ის ბრენდ-პარტნიორებს არ შეუძლიათ განაცხადონ ან მიანიშნონ, რომ Oriflame-ის რომელიმე პროდუქტი განკუთვნილია, შემუშავებულია, შექმნილია ან დამტკიცებულია Oriflame-ის ან ნებისმიერი მარეგულირებელი ორგანოს მიერ რაიმე დაავადების ან სამედიცინო მდგომარეობის სამკურნალოდ, მოსაშორებლად ან პრევენციისთვის. Oriflame-ის ბრენდ-პარტნიორებს ასევე არ უნდა შეადარონ Oriflame-ის პროდუქტები წამლებს ან გააკეთონ სამედიცინო დაპირებები. ნებისმიერმა ასეთმა განცხადებამ, დაპირებამ ან შედარებამ შეიძლება გამოიწვიოს დისციპლინური ზომა, საქმიანობის შეჩერება, წევრობის შეწყვეტა ან პირადი პასუხისმგებლობა ბრენდ-პარტნიორის წესებისა და პირობების, კოდექსისა და წესებისა და მოქმედი კანონმდებლობის შესაბამისად.

4.7 Oriflame-ის ბრენდ-პარტნიორებმა არ უნდა გამოიყენონ ნებისმიერი დაუმტკიცებელი, მცდარი, არასრულყოფილი, მოძველებული ან სხვაგვარად შეუსაბამო, შეთავაზებასთან დაუკავშირებელი ან მომხმარებლის შეცდომაში შეყვანის მიზნით გამოყენებული რეკომენდაცია ან მოწმობა.

4.8 Oriflame-ის ბრენდ-პარტნიორებს არ აქვთ უფლება გამოიყენონ შედარებები, რომლებიც შეცდომაში შემყვანი ან არაზუსტია. შედარების საფუძველი უნდა ეფუძნებოდეს ფაქტებს, რომელთა დადასტურებაც შესაძლებელია. Oriflame-ის ბრენდ-პარტნიორებს არ აქვთ უფლება არათანაბარ პირობებში დაადანაშაულონ, პირდაპირ ან ირიბად, სხვა კომპანია, ბიზნესი ან პროდუქტი. Oriflame-ის ბრენდ-პარტნიორებს არ აქვთ უფლება არათანაბარ პირობებში ისარგებლონ სხვა კომპანიის, ბიზნესის ან პროდუქტის სავაჭრო სახელწოდებასა და სიმბოლოსთან დაკავშირებული კეთილი სახელით.

4.9 Oriflame-ის ბრენდ-პარტნიორებს შეუძლიათ დაუკავშირდნენ მომხმარებლებს პირადი, სატელეფონო ან ელექტრონული საშუალებით მხოლოდ მოქმედი კანონმდებლობის შესაბამისად, რომელიც ეხება კონფიდენციალურობას, მონაცემთა დაცვასა და მარკეტინგს, მათ შორის, ნებისმიერი მოთხოვნის შესაბამისად, რომელიც გულისხმობს ასეთი კონტაქტისთვის ვალიდური სამართლებრივი საფუძვლის არსებობას. ყველა სახის კომუნიკაცია უნდა წარიმართოს პატივისცემით და გონივრულ საათებში (მოქმედი კანონმდებლობის გათვალისწინებით, რომელიც შეიძლება განსაზღვრავდეს კონკრეტულ საათებს ან ადგილებს, როდესაც მომხმარებლებთან დაკავშირება საერთოდ დაუშვებელია), თავიდან იქნას აცილებული ნებისმიერი შემაწუხებელი ან შევიწროების ხასიათის ქცევა. ბრენდ-პარტნიორებმა დაუყოვნებლივ უნდა შეწყვიტონ ნებისმიერი კომუნიკაცია, თუ მომხმარებელი მოითხოვს მასთან დაკავშირების შეწყვეტას.

4.10 ინფორმაცია, რომელსაც Oriflame-ის ბრენდ-პარტნიორი აწვდის მომხმარებელს, უნდა იყოს მოწოდებული ნათლად და გასაგებად, კომერციულ ურთიერთობებში კეთილსინდისიერების პრინციპებისა და იმ პირთა დაცვის მარეგულირებელი პრინციპების სათანადო გათვალისწინებით, რომლებსაც ეროვნული კანონმდებლობის შესაბამისად არ შეუძლიათ თანხმობის მიცემა, მაგალითად, არასრულწლოვნები.

4.11 Oriflame-ის ბრენდ-პარტნიორები არ უნდა იყენებდნენ ბოროტად ცალკეული მომხმარებლების ნდობას, პატივი უნდა სცენ მომხმარებლების კომერციული გამოცდილების არქონას და არ უნდა გამოიყენებდნენ მომხმარებლის ასაკს, ავადმყოფობას, ფსიქიკურ ან ფიზიკურ შეზღუდულობას, მორწმუნეობას, გაუგებრობას ან ენის ცოდნის არქონას.

4.12 Oriflame-ის ბრენდ-პარტნიორებს ეკრძალებათ პოტენციური მყიდველის დაყოლიება პროდუქციის შეძენაზე იმ დაპირებით, რომ ისინი შეიმცირებენ ან დაიბრუნებენ პროდუქტის ფასს სხვა პოტენციური მომხმარებლების მოყვანით, თუ ეს ფასდაკლება ან თანხის დაბრუნება დამოკიდებულია მომავალში რომელიმე მოვლენის დადგომაზე. ნებისმიერი მსგავსი პირობა ან დაპირება მკაცრად აკრძალულია.

პასუხისმგებლობები სხვა Oriflame-ის ბრენდ-პარტნიერების მიმართ

4.13 Oriflame-ის ბრენდ-პარტნიორი არ უნდა ჩაერიოს სხვა ბრენდ-პარტნიორების სპონსორობის საქმიანობაში. კერძოდ, Oriflame-ის ბრენდ-პარტნიორები არ უნდა დაუკავშირდნენ სხვა Oriflame-ის ბრენდ-პარტნიორის სპონსორობის ხაზში მყოფ ბრენდ-პარტნიორებს რეკრუტირების მიზნით.

4.14 Oriflame-ის ბრენდ-პარტნიორი არ უნდა შეიყვანის შეცდომაში, გადააჭარბოს ან სხვაგვარად არასწორად წარმოაჩინოს Oriflame-ის ბრენდ-პარტნიორების ფაქტობრივი ან პოტენციური შემოსავალი და/ან სხვა ჯილდოები. ნებისმიერი მოგების შესახებ წარმოდგენილი მონაცემი უნდა იყოს: (ა) სიმართლის შესაბამისი, ზუსტი და წარმოდგენილი ისე, რომ არ იყოს ცრუ, შეცდომაში შემყვანი ან მცდარი, და (ბ) დაფუძნებული შესაბამის ბაზარზე არსებულ დოკუმენტურ და დასაბუთებულ ფაქტებზე. პოტენციურმა Oriflame-ის ბრენდ-პარტნიორები უნდა: (გ) იყვნენ ინფორმირებულნი, რომ ფაქტობრივი შემოსავალი ცვალებადი იქნება პიროვნებების მიხედვით და დამოკიდებული იქნება უნარებზე, დახარჯულ დროზე, ძალისხმევაზე და სხვა ფაქტორებზე; და (დ) მიიღონ საკმარისი ინფორმაცია, რომელიც შესაძლებელს გახდის შემოსავლის მიღების შესაძლებლობის გონივრულად შეფასებას.

4.15 Oriflame-ის ბრენდ-პარტნიორი არ უნდა ახდენდეს სხვა ბრენდ-პარტნიორებისგან ან პოტენციური ბრენდ-პარტნიორებისგან გადასახადების დაკისრებას Oriflame-ის მიერ არგანვითარებულ/არდაშვებულ მასალებსა თუ მომსახურებებზე, გარდა იმ გადასახადებისა, რომლებიც ფარავს ხარჯებს, რომლებიც პირდაპირ უკავშირდება Oriflame-ის ბრენდ-პარტნიორის მიერ ჩატარებულ არასავალდებულო ტრენინგებს ან შეხვედრებს.

ბრენდ-პარტნიორების მიერ შექმნილი ნებისმიერი მარკეტინგული მასალა უნდა შეესაბამებოდეს Oriflame-ის პოლიტიკასა და პროცედურებს. Oriflame-ის ბრენდ-პარტნიორები, რომლებიც სხვა Oriflame-ის ბრენდ-პარტნიორებს დამტკიცებულ, კანონიერად დაშვებულ სარეკლამო ან სასწავლო მასალებს სთავაზობენ: (i) შეუძლიათ მხოლოდ იმ მასალების შეთავაზება, რომლებიც შეესაბამება იმავე სტანდარტებს, რომლებსაც Oriflame იცავს, (ii) ეკრძალებათ სხვა Oriflame-ის ბრენდ-პარტნიორებისთვის ასეთი მასალების შეძენა, ვალდებულებად დაწესება; (iii) უზრუნველყონ დახმარების საშუალებების მიწოდება გონივრულ და სამართლიან ფასად, Oriflame-ის ბრენდ-პარტნიორისთვის მნიშვნელოვანი მოგების გარეშე, ბაზარზე ზოგადად ხელმისაწვდომი მსგავსი მასალის ეკვივალენტურად; და (iv) შესთავაზონ წერილობითი დაბრუნების პოლიტიკა, რომელიც იდენტურია Oriflame-ის დაბრუნების პოლიტიკისა.

4.16 Oriflame-ის ბრენდ-პარტნიორები სხვა Oriflame-ის ბრენდ-პარტნიორებთან კავშირს უნდა ამყარებდნენ პირადი, სატელეფონო ან ელექტრონული საშუალებებით მხოლოდ მოქმედი კონფიდენციალურობის, მონაცემთა დაცვისა და მარკეტინგის კანონების შესაბამისად, მათ შორის, ნებისმიერი მოთხოვნის გათვალისწინებით, რომელიც დაკავშირებულია ასეთი კონტაქტისთვის კანონიერი საფუძვლის ქონასთან. ყველა სახის კომუნიკაცია უნდა წარიმართოს პატივისცემით და გონივრულ დროს, თავიდან იქნას აცილებული ნებისმიერი შემაწუხებელი ან შევიწროების შემცველი ქცევა. ბრენდ-პარტნიორებმა დაუყოვნებლივ უნდა შეწყვიტონ ნებისმიერი კომუნიკაცია, თუ დაკავშირებული პირი მოითხოვს მასთან დაკავშირების შეწყვეტას.

4.17 Oriflame თავის ბრენდ-პარტნიორებს არ უწესებს მინიმალური შესყიდვების რაოდენობრივ ან ღირებულებით პირობებს. ანალოგიურად, Oriflame-ის ბრენდ-პარტნიორი არ უნდა აიძულებდეს თავის სპონსორობის ქვეშ მყოფ პირებს, შეუკვეთონ მინიმალური რაოდენობის პროდუქცია ან შეინახონ პროდუქციის მარაგი. Oriflame-ის ყველა ბრენდ-პარტნიორს შეუძლია შეუკვეთოს ნებისმიერი რაოდენობა პირდაპირ Oriflame-ისგან (თუ Oriflame-ს არ დაუწესებია ასეთი შეზღუდვები თავისი შეხედულებისამებრ, ნებისმიერი საფუძვლიანი მიზეზის გამო), მაგრამ შეკვეთის მოცულობის მიხედვით შესაძლოა დაემატოს დამუშავებისა და საკურიერო მოსაკრებლები. 

Oriflame-ის ბრენდ-პარტნიორებს არ აქვთ უფლება, შეიძინონ, მოითხოვონ ან სხვები წაახალისონ Oriflame-ის პროდუქციის ჭარბი რაოდენობის შესაძენად. Oriflame-ის ბრენდ-პარტნიორებს არ აქვთ უფლება, შეიძინონ, მოითხოვონ ან სხვა Oriflame-ის ბრენდ-პარტნიორები წაახალისონ Oriflame-ის პროდუქციის არაგონივრული რაოდენობის შესაძენად მხოლოდ ჯილდოების ან შეღავათების მოსაპოვებლად. Oriflame-ის ბრენდ-პარტნიორმა არ უნდა შეინახოს პროდუქციის ისეთი მარაგი, რომელიც არ არის გონივრულად საჭირო მოხმარების ან დემონსტრაციისთვის. Oriflame იტოვებს უფლებას, უარი თქვას ნებისმიერ შეკვეთაზე, რომელიც, Oriflame-ის სრული შეხედულებით, შეიძლება შეიცავდეს Oriflame-ის პროდუქციის არაგონივრულ რაოდენობას.

4.18 Oriflame-ის ბრენდ-პარტნიორებს არ აქვთ უფლება, წარმოაჩინონ თავი Oriflame-ის უფლებამოსილ დისტრიბუტორებად.

4.19 Oriflame-ის ბრენდ-პარტნიორებს არ აქვთ უფლება, გამოიყენონ Oriflame-ის ქსელი მარკეტინგული მასალების, პროდუქტების ან სქემებისთვის, რომლებიც ოფიციალურად არ არის დამტკიცებული Oriflame-ის მიერ და არ შეესაბამება Oriflame-ის პოლიტიკასა და პროცედურებს.

4.20 Oriflame-ის ბრენდ-პარტნიორებმა არ უნდა მოახდინონ სხვა კომპანიების პირდაპირი გამყიდველების გადაბირება ან მოზიდვა არათანდარად კონკურენციისა და არაკეთილსინდისიერი სავაჭრო პრაქტიკის შესახებ ეროვნული კანონმდებლობის დარღვევის გზით.

4.21 Oriflame-ის ბრენდ-პარტნიორებს არ აქვთ უფლება, გააკეთონ დამამცირებელი, უსამართლო ან შეცდომაში შემყვანი განცხადებები კომპანიის პროდუქტების, მისი გაყიდვებისა და მარკეტინგული გეგმის ან სხვა კომპანიის ნებისმიერი სხვა მახასიათებლის შესახებ.

4.22 Oriflame-ის ბრენდ-პარტნიორებს არ აქვთ დასაქმების ურთიერთობა Oriflame-თან. სხვებისთვის Oriflame-ის ბიზნეს შესაძლებლობის წარდგენისას, Oriflame-ის ბრენდ-პარტნიორებმა ნათლად უნდა განაცხადონ ამ ბიზნესის დამოუკიდებელი ხასიათი და ის ფაქტი, რომ Oriflame-თან არ არსებობს შრომითი, სააგენტო ან მსგავსი ტიპის ურთიერთობა.

4.23 Oriflame-ის ბრენდ-პარტნიორებს არ აქვთ უფლებამოსილება, დააკისრონ ან აიღონ ვალდებულებები Oriflame-ის სახელით. ისინი აანაზღაურებენ Oriflame-ს ნებისმიერი ხარჯისა თუ ზიანის ასანაზღაურებლად, რომელიც ამ წესების ნებისმიერი დარღვევიდან გამომდინარეობს.

4.24 Oriflame-ის ბრენდ პარტნიორს არ აქვს უფლება განათავსოს შეკვეთა სხვა ბრენდ პარტნიორის სახელით ამ უკანასკნელის წინასწარი წერილობითი თანხმობის გარეშე, ხოლო თანხმობის არარსებობის დადასტურებისას ნებისმიერ ხარჯსა თუ ზიანზე პასუხისმგებლობა ეკისრება თავად შეკვეთის განმთავსებელ ბრენდ პარტნიორს.

4.25 საკუთარი პერსონალური ჯგუფის შექმნისას, Oriflame-ის ბრენდ-პარტნიორებმა უნდა იზრუნონ, რომ მათ ქვედა ხაზში მყოფი პარტნიორები იცავდნენ ეთიკის კოდექსს, ქცევის წესებს, მოქმედ პირობებსა და დებულებებს და, სადაც შესაძლებელია, საკრედიტო პირობებს.

4.26 სპონსორობის აღებისას, Oriflame-ის ბრენდ-პარტნიორმა უნდა უზრუნველყოს თავისი პირადი სპონსორობის ქვეშ მყოფი Oriflame-ის ბრენდ-პარტნიორების ტრენინგი და მოტივირება.

4.27 Oriflame-ის ბრენდ-პარტნიორი არ უნდა მონაწილეობდეს ინტერვიუებში, რომლებიც ეხება Oriflame-ს, ან ნებისმიერ მედიასაშუალებასთან — ტელევიზიასთან, ინტერნეტთან, რადიოსთან, ჟურნალებთან და ა.შ. — არ უნდა საუბრობდეს Oriflame-ზე, არც უნდა გამოიყენოს რაიმე სარეკლამო მედია საშუალება თავისი Oriflame-ის ბიზნესის მარკეტინგის მიზნით Oriflame-ის წინასწარი, პირდაპირი თანხმობის გარეშე.

4.28 Oriflame-ის ბრენდ-პარტნიორები არ უნდა იყვნენ ჩართულნი სოციალურ ქსელებში ისეთ დიალოგებში, რომლებიც არასწორად წარმოაჩენს ან ავრცელებს მცდარ ან შეცდომაში შემყვან ინფორმაციას Oriflame-ის, მისი პროდუქტების ან მომსახურების შესახებ, ან რომლებმაც ზოგადად შეიძლება გამოიწვიოს Oriflame-ის რეპუტაციის შელახვა.

5. სხვა წესები და პოლიტიკა

5.1. Oriflame-ის პოლიტიკის ფარგლებში არ არსებობს ექსკლუზიური ტერიტორიები ან ფრენჩაიზები. არცერთ Oriflame-ის ბრენდ პარტნიორს არ გააჩნია უფლებამოსილება, მინიჭების, გაყიდვის, დათმობის ან გადაცემის შესახებ, ასეთი ტერიტორიის ან ფრენჩაიზის. ყველა Oriflame-ის ბრენდ პარტნიორი თავისუფალია, აწარმოოს თავისი საქმიანობა საქართველოს ტერიტორიაზე (როგორც განსაზღვრულია ბრენდ პარტნიორის წესებსა და პირობებში).

5.2 Oriflame-ის ბრენდ-პარტნიორმა უნდა გაითვალისწინოს, რომ Oriflame მოქმედებს გარკვეულ ბაზრებზე და არა ყველა ქვეყანაში მსოფლიოს მასშტაბით, და მკაცრად იცავს თავის ვალდებულებებს პროდუქტის უსაფრთხოების, პროდუქტის რეგისტრაციის, იმპორტისა და სხვა წესების მიმართ, რომლებიც შეიძლება ვრცელდებოდეს შესაბამის ქვეყნებში ვაჭრობაზე. Oriflame არ იღებს პასუხისმგებლობას ნებისმიერ ზარალზე, დავასა თუ მოთხოვნაზე, რომელიც გამოწვეულია ან დაკავშირებულია Oriflame-ის ბრენდ-პარტნიორების მიერ იმ ქვეყნებში საზღვარგარეთ საქმიანობასთან, სადაც Oriflame არ მოქმედებს. ბრენდ-პარტნიორები სრულად არიან პასუხისმგებელნი ნებისმიერ ასეთ მოთხოვნაზე ან შედეგზე. შესაბამისად, Oriflame სრულად დააკისრებს პასუხისმგებლობას Oriflame-ის ბრენდ-პარტნიორს ნებისმიერ ასეთ მოთხოვნაზე.

5.3 Oriflame-ის ბრენდ-პარტნიორი დამოუკიდებელია Oriflame-ისგან. ერთადერთი წოდება, რომელიც შეიძლება გამოყენებულ იქნას სავიზიტო ბარათებზე, სხვა ბეჭდურ მასალებზე ან ელექტრონული ფოსტის კომუნიკაციაში, არის "დამოუკიდებელი ბრენდ-პარტნიორი" ან "Oriflame-ის დამოუკიდებელი ბრენდ-პარტნიორი" და, კვალიფიკაციის შესაბამისად, "დამოუკიდებელი მენეჯერი" და "დამოუკიდებელი დირექტორი".

5.4 სარეკლამო მასალები, მოწვევის კოდი, მოწვევის ბმული, გაზიარების აპლიკაცია და ნებისმიერი სოციალური მედიის აპლიკაცია, რომელსაც Oriflame უზრუნველყოფს, შეიძლება გამოყენებულ იქნას მითითებული წესით დამატებითი თანხმობის გარეშე. გათვალისწინებულია, რომ Oriflame-ის ბრენდ-პარტნიორებს არ შეუძლიათ დარეგისტრირება ან ჰოსტინგი იმ ვებსაიტის ან მთავარი გვერდისთვის, რომლის დომენის სახელიც შეიცავს სიტყვას "Oriflame".

Oriflame-ის ბრენდ-პარტნიორებს შეუძლიათ ტრაფიკის მოზიდვა Oriflame-ის ოფიციალურ ვებსაიტებზე, ბლოგებზე, გვერდებზე, სოციალური მედიის ჯგუფებზე, სიახლეების ლენტებსა და მსგავს პლატფორმებზე, პოტენციურ კლიენტებთან კავშირების დასამყარებლად და დიალოგის დასაწყებად. Oriflame იტოვებს უფლებას, წინასწარ დაამტკიცოს გასაჯაროებული მასალა. Oriflame-ის ბრენდ-პარტნიორების ონლაინ წარმომადგენლობის პოლიტიკა უფრო დეტალურად აღწერილია ბრენდ-პარტნიორის ონლაინ პოლიტიკაში.

თუმცა, მათ არ აქვთ უფლება დაარეგისტრირონ, განათავსონ ან მართონ ვებსაიტი ან სოციალური მედიის ანგარიში დომენის სახელის ან მომხმარებლის სახელის გამოყენებით, რომელიც შეიცავს სიტყვას "Oriflame" ან მის ნებისმიერ სავაჭრო ნიშანს. სადეპოზიტო კოდები და სადეპოზიტო ბმულები ყოველთვის უნდა იქნას გამოყენებული ზუსტად ისე, როგორც მათ Oriflame-ი გასცემს, ყოველგვარი ცვლილების, შენიღბვის, გადამისამართების ან მესამე მხარის პლატფორმებში ჩაშენების გარეშე, იმგვარად, რომ დაფაროს მათი წყარო. გადახდილი რეკლამის ფარგლებში მოწვევის კოდებისა და მოწვევის ბმულების გამოყენება ნებადართულია მხოლოდ ბრენდ-პარტნიორის ონლაინ პოლიტიკაში აღწერილი კონკრეტული პირობების დაცვით. Oriflame-ს აქვს უფლება, განიხილოს, მოითხოვოს ცვლილებები ან წინასწარ დაამტკიცოს ნებისმიერი ონლაინ კონტენტი, რომელიც ეხება მის ბრენდს. ბრენდ-პარტნიორების ონლაინ წარმომადგენლობისა და ციფრული მარკეტინგული აქტივობების შესახებ უფრო დეტალური მოთხოვნები აღწერილია ბრენდ-პარტნიორის ონლაინ პოლიტიკაში.

5.5 Oriflame-ის სავაჭრო ნიშნები, ლოგოები და სახელი წარმოადგენს Oriflame Cosmetics A.G.-ის ან Oriflame-ის ჯგუფის სხვა კომპანიების საკუთრებას და Oriflame-ის ბრენდ-პარტნიორს არ აქვს მათი გამოყენების უფლება, არც ბეჭდურ მასალებში და არც ინტერნეტში გამოქვეყნებისას, Oriflame-ისგან წინასწარი, პირდაპირი თანხმობის გარეშე (გარდა იმ შემთხვევისა, როდესაც კოდექსი და წესები პირდაპირ არ მოითხოვენ ასეთ თანხმობას). თუ ასეთი თანხმობა მიღებულია, სავაჭრო ნიშნები და ლოგოები უნდა გამოყენებულ იქნას ზუსტად Oriflame-ის სახელმძღვანელო პრინციპებში მითითებული წესით.

5.6 Oriflame-ის არცერთ ბრენდ-პარტნიორს არ აქვს უფლება, დაამზადოს ან Oriflame-ის გარდა სხვა წყაროსგან შეიძინოს ნებისმიერი ნივთი, რომელზეც დატანილი ან გამოსახულია სავაჭრო ნიშნები ან ლოგოები, თუ Oriflame-ისგან წერილობითი თანხმობა არ არის მიღებული.

5.7 Oriflame-ის ყველა ბეჭდური მასალა, ვიდეო, ფოტოსურათი, დიზაინი დაცულია საავტორო უფლებებით და არავის მიერ არ შეიძლება მათი სრულად ან ნაწილობრივ რეპროდუქტირება, არც ბეჭდურ მასალებში და არც ინტერნეტში გამოქვეყნების სახით, Oriflame-ისგან წინასწარი წერილობითი თანხმობის გარეშე. როდესაც Oriflame-ი ოფიციალური არხების (მაგ., Sharing App) საშუალებით გასაზიარებლად ხელმისაწვდომს ხდის კონკრეტულ კონტენტს, ასეთი ხელმისაწვდომობა წარმოადგენს მასალის გამოყენებაზე Oriflame-ის თანხმობას, იმ პირობით, რომ ასეთი კონტენტისთვის მითითებული გამოყენების ნებისმიერი წესი ან შეზღუდვა მკაცრად დაიცდება. საავტორო უფლებებით დაცული მასალის კანონიერი გამოყენებისას, აუცილებელია, ხილული და ცალსახა ფორმით მიეთითოს Oriflame-ის საავტორო უფლებებზე.

5.8 Oriflame-ის ბრენდ-პარტნიორებს არ აქვთ უფლება, განახორციელონ Oriflame-ის პროდუქციის აქტიური გაყიდვები, რეკლამა ან გამოფენა იმ საცალო სავაჭრო ობიექტებში, რომლებიც ყიდიან კოსმეტიკას, პირადი მოვლის საშუალებებს, საკვებს ან საკვებ დანამატებს და რომლებიც Oriflame-ისთვისაა გამოყოფილი. ეს მოიცავს პარფიუმერიებს, კოსმეტიკის მაღაზიებს, სუპერმარკეტებს, ბაზრებს, სასურსათო მაღაზიებს, სილამაზის ცენტრებს, სილამაზის სალონებს, სტილისტებს, ბარბერებსა და შესაბამის ტერიტორიაზე მოქმედ მსგავს ბიზნესებს.

ბრენდ-პარტნიორებს უფლება აქვთ, გაყიდონ Oriflame-ის პროდუქცია ონლაინ რეჟიმში მოწვევის კოდებისა და მოწვევის ბმულების გამოყენებით, Oriflame-ის მიერ დამტკიცებული აპლიკაციების მეშვეობით ან საკუთარი ვებსაიტების საშუალებით, იმ პირობით, რომ ეს ვებსაიტები შეესაბამება კოდექსს, წესებსა და Oriflame-ის ნებისმიერ მოქმედ პოლიტიკას.

ბრენდ-პარტნიორებს ეკრძალებათ Oriflame-ის პროდუქციის გაყიდვა საცალო ვაჭრობის ვებსაიტებზე, ონლაინ ბაზრებზე, მესამე მხარის ბრენდირებულ ვებსაიტებზე ან პლატფორმებზე, სადაც მრავალი დისტრიბუტორი ერთსა და იმავე პროდუქტებს სთავაზობს (მაგ., Amazon, eBay).

5.9 Oriflame-ის ვებსაიტების შინაარსი, როგორიცაა ტექსტი, გრაფიკა, ფოტოები, დიზაინი და პროგრამული უზრუნველყოფა, ასევე დაცულია საავტორო უფლებებით და არ შეიძლება გამოყენებულ იქნას ნებისმიერი კომერციული მიზნით , Oriflame-ისგან წინასწარი, პირდაპირი თანხმობის გარეშე.

5.10 Oriflame კატეგორიულად კრძალავს სპამინგს, რომელიც განისაზღვრება, როგორც ელექტრონული შეტყობინებების სისტემების გამოყენება არასელექციური მასობრივი შეტყობინებების გასაგზავნად. Oriflame-ის ბრენდ-პარტნიორებმა უნდა უზრუნველყონ, რომ Oriflame-ის პროდუქტებთან, შესაძლებლობებთან ან საქმიანობასთან დაკავშირებით გაგზავნილი ნებისმიერი სარეკლამო ელექტრონული წერილი, ტექსტური შეტყობინება ან მყისიერი მესენჯერების პლატფორმების საშუალებით გაგზავნილი შეტყობინება გაიგზავნოს კანონიერი, პატივისცემით სავსე და არამომჭრელი ფორმით და მხოლოდ იმ პირებისთვის, რომლებთან დაკავშირებისთვისაც არსებობს კანონიერი საფუძველი (მაგალითად, წინასწარი თანხმობა, სახელშეკრულებო ურთიერთობა), მოქმედი კანონმდებლობით დაშვებული წესით. ყველა ასეთი კომუნიკაცია აშკარად უნდა გაიგზავნოს ბრენდ-პარტნიორის საკუთარი სახელით და არ უნდა გამოიყურებოდეს, თითქოს ის Oriflame-ისგან არის გაგზავნილი. ბრენდ-პარტნიორი მარტოა პასუხისმგებელი შეტყობინების შინაარსსა და შესაბამისობაზე.

5.11 არავის აქვს უფლება, რაიმე სახით შეცვალოს პროდუქციის შეფუთვა ან ეტიკეტირება, ან მოახდინოს მისი გადაფუთვა. Oriflame-ის პროდუქცია იყიდება მხოლოდ ორიგინალ შეფუთვაში.

5.12 Oriflame-ის პროდუქტებმა არ უნდა გამოიწვიოს ზიანი ან დაზიანება, თუ ისინი გამოიყენება მათი დანიშნულებისამებრ და თანდართული ინსტრუქციის შესაბამისად. Oriflame-ს თავისი პროდუქტების მიმართ დაზღვეული აქვს პროდუქციის პასუხისმგებლობა. დაზღვევა ფარავს დაზიანებას ან ზარალს, რომელიც გამოწვეულია დეფექტური პროდუქტით, მაგრამ არ ფარავს პროდუქტის უგულებელყოფით ან არასათანადო გამოყენებით გამოწვეულ ზიანს.

5.13 Oriflame იტოვებს უფლებას, ნებისმიერ დროს, Oriflame-ის ბრენდ-პარტნიორის ანგარიშზე არსებული ნებისმიერი ვადაგადაცილებული ინვოისი ჩამოაჭრას Oriflame-ის ბრენდ-პარტნიორისთვის დარიცხული ნებისმიერი ბონუსიდან ან სხვა გადახდიდან და/ან შეაჩეროს ნებისმიერი ბონუსის ან სხვა ჯილდოს გაცემა (მათ შორის იმ შემთხვევებში, როდესაც Oriflame-ის ბრენდ-პარტნიორები სხვისი სახელით გამოსცემენ ვადაგადაცილებულ ინვოისებს).

5.14 Oriflame-ს უფლება აქვს, წინასწარი შეტყობინების გარეშე შეცვალოს თავისი ფასები და ასორტიმენტი. Oriflame არ მისცემს ბრენდ-პარტნიორს ( ) არანაირ ბონუსს ან სხვა კომპენსაციას ფასების ცვლილებით, ასორტიმენტის ცვლილებით ან პროდუქტების მარაგში არარსებობით გამოწვეული ზარალისთვის.

5.15 ბრენდ-პარტნიორთან Oriflame-ის ურთიერთობის შეწყვეტის მოთხოვნის შემთხვევაში, Oriflame თანახმაა:

(ა) გამოისყიდოს პროდუქცია ბრენდ-პარტნიორისგან. Oriflame-ის მიერ თანხის დაბრუნებისთვის აუცილებელია ყველა ქვემოთ ჩამოთვლილი პირობის დაკმაყოფილება:

- დაბრუნება უნდა განხორციელდეს შეძენის დღიდან 12 თვის განმავლობაში, და

- ანაზღაურდება 90%-ით თავდაპირველი წმინდა ფასისგან, რომელიც გადახდილია ქსელისთვის გაცემული ნებისმიერი ბონუსის ან ფულადი ჯილდოს გამოკლებით, და

- დაბრუნებული ნივთები უნდა იყოს Oriflame-ის ამჟამად რეალიზებადი მარაგები, მათ შორის Oriflame-ის მიერ წარმოებული ნებისმიერი სარეკლამო მასალა, გაყიდვების დამხმარე საშუალებები ან ნაკრები.

ამ (ა) პუნქტის მიზნებისთვის, Oriflame-ის ამჟამინდელი კომერციული მარაგები ნიშნავს ნებისმიერ პროდუქტს, რომელიც:

- არ არის გამოყენებული, გახსნილი ან რაიმე სახით შეცვლილი; და

- რომელთა შენახვის ვადა არ არის გასული; და

- კვლავ იყიდება Oriflame-ის მიერ მის კატალოგში. 

5.16 თუ Oriflame-ის ბრენდ-პარტნიორი რაიმე ფორმით, სამართლებრივად თუ სხვაგვარად, ჩართულია რაიმე დავაში ან საქმიანობაში, რომელიც შეიძლება შეეხოს ან უარყოფითად იმოქმედოს Oriflame-ზე ან მის რეპუტაციაზე, ასეთმა ბრენდ-პარტნიორმა დაუყოვნებლივ უნდა აცნობოს Oriflame-ს. Oriflame იტოვებს უფლებას, თავისი შეხედულებისამებრ, დაუყოვნებლივ შეაჩეროს ან გააუქმოს ბრენდ-პარტნიორის ხელშეკრულება Oriflame-ისთვის შემდგომი ზიანის თავიდან ასაცილებლად, ყოველგვარი კომპენსაციის გადახდის გარეშე.