5 აუცილებელი ნიღაბი სახისთვის

ისინი საშუალებას მოგცემენ მოდუნდე, დაისვენო, მიიღო ინტენსიური მოვლა და დამსახურებული 15 წუთი საყვარელ სერიალთან პირისპირ მძიმე და დატვირთული დღის შემდეგ. ნიღბები! ისინი ბევრია საჭირო, კანის სხვადასხვა მდგომარეობისა და საჭიროებისთვის. ჩვენ დაგეხმარებით გარკვევაში და გადაწყვეტაში!

გელისებური ნიღბები
ნიღაბი იდეალური ვარიანტია, როდესაც შენი კანი დაღლილად გამოიყურება. კომპიუტერთან ხანგრძლივად გატარებული დრო, რთული და დატვირთული სამუშაო კვირა ან წვეულება დილამდე — ჩვენ ვიცით, როგორ დავეხმაროთ კანს გამხნევებაში! გელისებრი ნიღბები უყვართ მსუბუქი ტექსტურის, მომენტალური დატენიანების და ტონიზირების გამო. სცადე სიახლე Love Nature ფორთოხლით და ლეღვით: მის შემადგენლობაში არსებული მცენარეული ექსტრაქტები კანს ბზინვარებას მიანიჭებს. წარმოიდგინეთ, რა სურნელია! 

ლაიფჰაკი: ნიღაბი მოათავსე მაცივარში გამოყენებამდე 10-15 წუთით ადრე. გამაგრილებელი ეფექტი დაგეხმარება გაუმკლავდე შეშუპებას. 

თიხის ნიღბები
ოდითგანვე თიხა კანის ღრმა გაწმენდისთვის გამოიყენება: მისი სასარგებლო თვისებები ჯერ კიდევ ძველ ეგვიპტეში იყო ცნობილი. ეფექტი საუკუნეებით არის დადასტურებული! თიხის საფუძველზე დამზადებული ნიღბები აბალანსებენ კანს და ფორებიდან ჭუჭყს აშორებენ, რაც იმას ნიშნავს, რომ ისინი განსაკუთრებით სასარგებლოა ცხიმიანი, კომბინირებული და პრობლემური კანისთვის. სახის გამწმენდი ნიღაბი ბრინჯით და თეთრი ჩაით —  არის ნამდვილი სასწრაფო დახმარება შავი წერტილების წინააღმდეგ საბრძოლველად. 

ლაიფჰაკი: თიხის ნიღაბი ბევრად უფრო კარგად იმუშავებს, თუ წინასწარ დაიორთქლებ კანს და გახსნი ფორებს. დაიდე სახეზე თბილი პირსახოცი ან გაიკეთე ორთქლის აბაზანა. უკუნაჩვენებია მგრძნობიარე კანისთვის, სისხლძარღვების გაფართოებისას ან კუპეროზისადმი და როზაცეასადმი მიდრეკილების შემთხვევაში.  

კრემისებური ნიღბები
დაჭიმულობის შეგრძნებამ შეიძლება მთელი დღის განწყობა გაგიფუჭოს: მშრალი კანის მფლობელი ქალბატონები ამას დაადასტურებენ. როგორი სასიამოვნოა წაისვა ნაზი, მკვებავი ნიღბის მკვრივი ფენა და შეიგრძნო, როგორ ამშვიდებს ის კანს! კრემისებრი ნიღბები ინტენსიურად ატენიანებენ კანს, კვებავენ და ზრუნავენ კანზე, მათ შემადგენლობაში არსებული ბუნებრივი ინგრედიენტების წყალობით. მაგალითად, სახის აღმდგენი ნიღაბი ჟოლოთი და პიტნით Love Nature
ლაიფჰაკი: არ დაიბანო სახე კრემის ნიღბის შემდეგ. უბრალოდ მოიშორე ნარჩენები ქაღალდის ხელსახოცით ან ნესტიანი პირსახოცით   ამ გზით კანი კიდევ უფრო მეტ კვებას და ზრუნვას მიიღებს.



ქსოვილის ნიღბები 
ცხელი ტრენდი კანის მოვლისას, რომელიც არ აპირებს პოზიციების დათმობას. ამ ნიღბის თავისებურება არის მაღალი კონცენტრაციის მქონე აქტიური ინგრედიენტები, რომლებიც ღრმად აღწევენ კანში შრატისა და ქსოვილის საფუძვლის თხევადი სტრუქტურის წყალობით. ქსოვილის ნიღბები ყველაზე ფართო სპექტრის ეფექტებს მოიცავენ, უბრალო დატენიანებით დაწყებული, ასაკის საწინააღმდეგო მოქმედებით დამთავრებული. და რაც მთავარია, მათი ჩამობანა საჭირო არ არის, რაც იმას ნიშნავს, რომ მათი გამოყენება შესაძლებელია ნებისმიერ ადგილზე! თვითმფრინავის სავარძელში, სპა-წვეულებაზე მეგობარ გოგონებთან ერთად ან საკუთარ აბაზანაში. არ იცი, რომლით დაიწყო? სცადე ძირითადი ვარიანტი: ანტიოქსიდანტური ნაჭრის ნიღაბი ბროწეულითა და ყურძნით. ის სასარგებლოა არა მხოლოდ შენი კანისთვის, არამედ ჩვენი პლანეტისთვისაც: ნიღაბი დამზადებულია ეკოლოგიურად სუფთა ტენსელის ქსოვილისგან, ხის მერქნის ულტრათხელი ბოჭკოების საფუძველზე. 

ლაიფჰაკი: შრატი, რომელიც პაკეტში დარჩება, შეგიძლია წაისვა კისერზე, დეკოლტეს ზონაზე, ხელებზე, იდაყვებზე და თუნდაც მუხლებზე, ანუ სხეულის იმ უბნებზე, რომლებიც სახის გარდა, პირველნი ააშკარავებენ ასაკს და დამატებით მოვლას საჭიროებენ.

ღამის ნიღბეი
სწორედ ღამის განმავლობაში კანი ყველაზე მგრძნობიარეა აქტიური ინგრედიენტების მიმართ. შენ გძინავს და სილამაზე იზრდება — როგორ არ უნდა გამოიყენო ბუნებისგან ბოძებული ასეთი ჯილდო! არავითარ შემთხვევაში არ დაიტოვო ჩვეულებრივი ნიღაბი ღამით — შენ გჭირდება პროდუქტი, რომელიც შემუშავებულია სპეციალურად ასეთი მოხმარებისთვის. მაგალითად, ღამის ნიღაბი NovAge ჰიალურონის მჟავით და მკვებავი ზეთებით.   
ლაიფჰაკი: გამოიყენე ასეთი ნიღაბი არა ცალკე, არამედ, როგორც კომპლექსური მოვლის ეტაპი. წაისვი ღამის კრემის ნაცვლად, კვირაში 1-2-ჯერ, როდესაც ნამდვილი სილამაზის  ძილი გჭირდება: წინასწარ მომზადებულ კანზე ნიღაბი ბევრად უკეთესად მოქმედებს. 

 

შეიძინე ახლავე

ანალოგიური სტატიები